Mont en-dro ar skol
Skol kentañ derez Diwan Gwened zo ur skol gevredigezhel ha laik ma c’hoari ar gerent ur roll kreiz e buhez ha mererezh ar skol. Dre o engouestl e c’hall ar vugale kaout un endro desavadurel madelezhus, lañsus hag a-vent gant an dud.
Kevredigezh Hatoup
Poellgor skoazellañ ar skolioù
Gallout a ra ar gerent hag an dud a blij dezho mont gant Hatoup, hor c’hevredigezh skoazell. Sikour a ra arc’hantaouiñ ar skol dreist-holl, en ur grouiñ abadennoù ha raktresoù plijus. Kefridioù pennañ :
Aozañ raktresoù ha manifestadegoù
Krouiñ abadennoù evit dastum arc’hant (kentelioù brezhoneg evit an dud deuet, gouelioù, gwerzhioù, atalieroù…)
Brudañ ar skol ha reiñ donezonoù
Lakaat ar muiañ a dud da anavezout ar skol, ha reiñ donezonoù ha mesenerezhioù evit harpañ he mont en-dro
Harpañ ar raktresoù pedagogel
Arc’hantaouiñ pe ambroug raktresoù desavadurel hag obererezhioù ar skolidi
AEP
Merañ ha mont en-dro ar skol
An holl familhoù zo e-barzh an AEP, ar Gevredigezh Deskadurezh Pobl, a ra war-dro ar skol a-youl-vat e kenlabour gant ar skipailh kelennerien. E-kreiz mont en-dro ha buhez ar skol emañ ar gerent.
Dileuriañ ar skol en ensavadurioù
Kenlabourat gant an Ti-kêr hag ar Rouedad Diwan, difenn interestoù ar skol digant ar gevelerien
Merañ ar c’hoskor hag an danvezioù
Implij ha merañ an implijidi nann-kelennerien, merañ an dafar hag ar salioù
Kemer perzh e buhez diabarzh ar skol
Aozañ ha kenurzhiañ ar raktresoù diabarzh, ha kenlabourat gant Hatoup evit an arc’hantaouiñ hag an obererezhioù
Ur skol douget gant ar familhoù
E skol Diwan Gwened e c’hoarie ar gerent ur roll pouezus-bras. N’eus ket un engouestl bihan : pep hini a gemer perzh en e zoare, hervez e amzer hag e varregezhioù. Meur a dra a c’haller ober ganeoc’h :
- Kemer perzh en obererezhioù Hatoup hag en darvoudoù
- Mont e-barzh an AEP evit ar merañ hag an dileuriañ
- Sikour ur wech an amzer da-geñver raktresoù pe sortiadennoù skol